Ֆիրմինո. Այժմ Բրազիլիայի հավաքականն ավելի լավ տեսք ունի

Բրազիլիայի հավաքականի ֆուտբոլիստներից Ռոբերտո Ֆիրմինոն կարծում է, որ առանց հարձակվող Նեյմարի էլ կարող են հաջողության հասնել Ամերիկայի գավաթի խաղարկությունում, որի 1/4 եզրափակչում մրցելու են Պերուի հետ:

-Իհարկե, մենք տխրել ենք Նեյմարի որակազրկման, նրա` մրցաշարից հեռանալու պատճառով, սակայն այժմ հավաքականն ավելի ու ավելի լավ տեսք ունի: Մենք համոզված ենք` կարող ենք հաղթել Ամերիկայի գավաթի խաղարկությունում: Փլեյ-օֆֆի խաղերն առանցքային են և մեզ համար հեշտ չի լինելու: Բոլոր հավաքականներն էլ տքնաջան աշխատում են, սակայն մենք ավելի ու ավելի ուժեղ ենք դառնում,-Ֆիրմինոյի խոսքը մեջբերված է «Goal.com»-ից:

Հիշեցնենք, որ Նեյմարը որակազրկվել է խմբային փուլի երկրորդ տուրի` Կոլումբիայի հավաքականի հետ խաղի (0:1) ժամանակ ցուցաբերած ոչ սպորտային վարքի պատճառով: