Խ. Քոքոբելյան. «Ցավում եմ, որ ընդդիմադիր դաշինքը կայացնելու մեր բոլոր ջանքերն ու ներդրումները հետևողականորեն փոշիացվում են անհասկանալի դրդապատճառներով»
Նմանատիպ
«Ազատ դեմոկրատներ» կուսակցության մամուլի ծառայությունը տարածել է կուսակցության ղեկավար Խաչատուր Քոքոբելյանի հայտարարւոթյունը, որը պատասխանն է «Ժառանգություն» կուսակցության ղեկավար Րաֆֆի Հովհաննիսյանի՝ ավելի վաղ արված հայտարարությանը: Քոքոբելյանի պատասխանի մեջ մասնավորապես ասվում է.
«Ափսոսանք եմ հայտնում, Րաֆֆի Հովհաննիսյանի՝ պահի թելադրանքով արված, հուզական հայտարարության կապակցությամբ: Եվս մեկ անգամ հարկ եմ համարում հիշեցնել, որ ընդհանուր խմբակցության մաս կազմելը բնավ չի նշանակում անկախ քաղաքական ուժի մանդատների միանձնյա տնօրինում, մեկ այլ անհատի կողմից: Ցավում եմ, որ ընդդիմադիր դաշինքը կայացնելու մեր բոլոր ջանքերն ու ներդրումները հետևողականորեն փոշիացվում են անհասկանալի դրդապատճառներով:
Ազատ դեմոկրատներ կուսակցության նախագահ Խաչատուր Քոքոբելյան
12 հոկտեմբերի 2012թ.
ք. Երևան»:
Հետևեք մեզ նաև Telegram-ում
