«Ժողովուրդ». Ստեփանակերտի օդանավակայանի առաջին չվերթը կլինի մոտ օրերս

ԼՂՀ վարչապետ Արա Հարությունյանը «Ժողովուրդ»-ի թղթակցի հետ զրույցում ասել է, որ Ստեփանակերտի օդանավակայանի առաջին չվերթը կլինի մոտ օրերս: «Սակայն դա կլինի տեխնիկական թռիչք: Ուղևորափոխադրումների մասին խոսելու համար դեռ շուտ է»,-բացատրել է նա: Իսկ ԼՂՀ քաղավիւսցիայի վարչության պետ Դմիտրի Ադբաշյանը, թերթի հարցին ի պատասխան, ասել է, թե դեռ կան մանր-մունր խնդիրներ’ հույս հայտնելով, որ մինչև տարեվերջ դրանք կարգավորված կլինեն, ու Երևան-Ստեփանակերտ թռիչքը տեղի կունենա: Թերթը հիշեցնում է, որ ժամանակին Սերժ Սարգսյանը, ի պատասխան ադրբեջանական սպառնալիքների, հայտարարեց, թե ինքն է լինելու այդ չվերթի առաջին ուղևորը, սակայն առայժմ հապաղում է իրագործել խոստումը: Ինչպես երևում է, Ստեփանակերտի օդանավակայանն արդեն պատրաստ է շահագործման: Թերթի հարցին, թե երթ թ Ս. Սարգսյանը կատարելու իր խոստումը, ՀՀ նախագահի մամուլի խոսնակ Արմեն Արզումանյանը պատասխանել է. «Նման իրադարձության մասին լրատվամիջոցներին պատշաճ ժամկետներում կտեղեկացնենք»: