«Ժողովուրդ». ՀՀ վարչական իրավախախտումների մասին օրենսգրքի առաջին գլուխը` ԽՍՀՄ տերմինաբանությամբ
Նմանատիպ
Մոտ մեկ ամիս առաջ Աժ պատգամավոր Ալեքսանդր Արզումանյանը սկանդալային փաստ էր բացահայտել. ՀՀ վարչական իրավախախտումների մասին օրենսգրքի առաջին գլուխն ամբողջությամբ’ իր 6 հոդվածներով, պարունակում է գոյություն չունեցող երկրի’ ԽՍՀՄ տերմինաբանություն: Խորհրդային տարիներին այդ օրենքի խնդիրն էր պահպանել ԽՍՀՄ սահմանադրությունը, ԽՍՀՄ հասարակարգը, սոցիալիստական սեփականությունը և այլն, և այլն: Ու չնայած այս բացահայտումից անցել է ավելի քան մեկ ամիս, սակայն Աժ պատգամավորներից ոչ մեկը չի փորձել ուղղել սխալը: Անգամ կառավարությունը, որ այդ օրենքի փոփոխությունների առաջարկով է հանդես եկել, նշված սխալին չի անդրադարձել: Աժ պետաիրավական հարցերի մշտական հանձնաժողովի նախագահ Դավիթ Հարությունյանը «Ժողովուրդ»-ի հետ զրույցում ասել է, թե դա օրենսգրքի բացթողումներից ու խնդիրներից ամենամեղմն է: Ըստ նրա’ հաշվի առնելով մյուս խնդիրները’ ճիշտ ժամանակը չէ, դրանք թողած, ուղղել այս մեկը: «Իսկ մենք կարծում էինք, թե ամբողջությամբ անկախացել ենք»,- նկատում է թերթը:
Հետևեք մեզ նաև Telegram-ում