Ճիշտը ռազմական դրությունն է. Կքննարկվի ԶՈւ հրամանատարությունը վարչապետին վերապահելու հնարավորությունը (տեսանյութ)

Սահմանադրության նախագծով  Զինված ուժերի գերագույն հրամանատարը պատերազմի ժամանակ վարչապետն է, իսկ խաղաղ պայմաններում` Պաշտպանության նախարարը:

ԱԺ-ում Սահմանադրական փոփոխությունների քննարկմանը ՀՀԿ խմբակցության պատգամավոր Սամվել Ֆարմանյանը Սահմանադրական բարեփոխումների մասնագիտական հանձնաժողովի անդամ, ԱԺ-ում ՀՀ նախագահի ներկայացուցիչ Վարդան Պողոսյանին հիշեցրեց, որ արցախյան պատերազմը մեր երկիրը պաշտոնապես չէր հայտարարել և մեր երկրին էլ պաշտոնապես պատերազմ չէր հայտարարվել: Այսինքն՝ գուցե խոսքը ռազմակա՞ն դրության մասին է:

Ի պատասխան Սահմանադրական բարեփոխումների մասնագիտական հանձնաժողովի անդամը հստակեցրեց, որ նախագծում «պատերազմի ժամանակ» նշելով,  նկատի են ունեցել դե յուրե պատերազմական իրավիճակը՝ չբացառելով, որ մասնագիտական հանձնաժողովը ևս  մեկ  անգամ կանդրադառնա այդ դրույթին: