Մատենադարանի տարածքում առկա է քարաթափման վտանգ

Մաշտոցի պողոտայում’ Մատենադարանի մոտակայքում առկա է քարաթափման վտանգ:

Ինչպես հաղորդում են ԱԻՆ-ից, նման ահազանգ ստացվել է նախօրեին: Դեպքի վայր է մեկնել ՃԿԿ ԱԻ արձագանքման խումբը:

Տեղեկատվության համաձայն՝ իրականացվել է տեղանքի ուսումնասիրում, ինչի արդյունքում պարզվել է, որ Մատենադարանի հարակից սարալանջից տեղի է ունեցել քարաթափում, առկա է քարաթափման վտանգ:

Դեպքի մասին տեղյակ են պահվել քաղաքապետարանի շինբարեկարգման և փրկարար ծառայության համապատասխան վարչությունները: