Գյումրիում ծնողազուրկ երեխան զրկված է բնակարան ստանալու իրավունքից (տեսանյութ)
Նմանատիպ
Գյումրու հին թաղամասերից մեկի’ «Ձորի թաղի» խարխուլ տանը, կամ, որ այս դեպքում առավել տիպիկ կլինի անվանելը, խրճիթում, իր տատիկի հետ է բնակվում 17-ամյա Աննան:
«Շիրակ կենտրոն» տարածած հաղորդագրության մեջ նշվում է, որ նա ընդամենը 7 տարեկան է եղել, երբ մահացել են ծնողները: Իրենց փոքրիկ տունը երկրաշարժի հետևանքով քանդվել է, և նրանք վաղուց բնակվում են արտերկիր գաղթած հարևանի փոքրիկ տանը:
Այս ընտանիքը ևս հաշվառված չէ պետության կողմից բնակարանային փոխհատուցման ենթակա անօթևան ընտանիքների հերթացուցակում:
«Ասենք, եթե անգամ հերթագրված էլ լինեին, միևնույն է’ նրանց աղետի գոտում իրականացվող բնակբաշխման այս փուլում բնակարան չէին տրամադրելու, քանի որ երկրաշարժից անօթեւան ընտանիքներին բնակարանների տրամադրման ՀՀ կառավարության սահմանած կարգի համաձայն, քաղաքային համայնքներում, այդ թվում Գյումրիում, սեփական տուն կորցրածներին չեն փոխհատուցում: Իհարկե, սա բացարձակ անհեթեթություն է: Մարդը տուն է կորցրել, ի՞նչ տարբերություն’ սեփական տուն, թե շենք»,-ասված է ՀԿ տարածած հաղորդագրության մեջ:
Հետևեք մեզ նաև Telegram-ում