Այսօր սիրիական ուժերը զանգվածային ռմբակոծության են ենթարկել թյուրքմենական բնակավայրերը

Սիրիայի կառավարական ուժերը այսօր մեկնարկել են զանգվածային ցամաքային ռմբակոծություն թյուրքմենական Բաիրբուջակ շրջանի ուղղությամբ, որտեղ երեկ Ասադի ուժերը կրկին կորցրել էին շրջանի վերահսկողությունը: Այս մասին տեղեկացնում է թուրքական Anadolu գործակալությունը:

Թյուրքաբանակ Քըզըլդահա բնակավայրի գրավման նպատակով, որը երեկ գրավել էին Բաիրիբուջակի թյուրքմենները, սիրիական կառավարական ուժերը լայնամասշտաբ ռազմական գործողություններ են սկսել՝ օգտագործելով թնդանոթներ և այլ հրետանային տեխնիկա:

Ինչպես տեղեկացնում է Anadolu –ն, սիրիական հրետանին տեղակայված է Քեսաբում, որն էլ տեսանելի է Թուրքիայի սահմանից: Պայթյունների ձայները լսելի են Թուրքիայի ամենահարավային նահանգի՝ Հաթայի, ամբողջ Յայլգադի շրջանում:

Ինչպես նաև, թուրքական ԶԼՄ-ները տեղեկացնում են այն մասին, որ այսօր թուրք –սիրիական սահմանագծում, Թուրքիան նոր զինված ուժեր է կենտրոնացրել: Մասնավորապես, նշվում է նոր բանակային ջոկատների և 20 տանկերի տեղակայումը: