ԱԺ արտահերթ նիստը տապալվել է. ՀԱԿ-ը բողոքի ակցիա է հրավիրել

Ազգային Ժողովի արտահերթ նիստը, որը հրավիրվել էր ՀԱԿ նախաձեռնությամբ, չկայացավ:

Panorama.am-ի փոխանցմամբ՝ թեև խորհրդարանական մեծամասնության՝ ՀՀԿ-ի բազմաթիվ պատգամավորներ ԱԺ-ում էին, այդուհանդերձ դահլիճում ՀՀԿ-ից միայն ԱԺ փոխխոսնակներ Էդուարդ Շարմազանովն ու Հերմինե Նաղդալյանն էին:

Պատգամավորների գրանցումից հետ, պարզվեց դահլիճում ներկա է ընդամենը 44 պատգամավոր, քվորում չապահովվեց:

Ըստ ԱԺ կանոնակարգի’ երեք ժամ հետո խորհրդարանը պարտավոր է ևս մեկ գրանցում անցկացնել: Սակայն հասկանալի է, որ երեք ժամ անց էլ քվորում չի ապահովվի:

Նշենք, որ ՀԱԿ-ի համար կանխատեսելի էր ՀՀԿ-ի նման մոտեցումը. Ժամը 14-ին ԱԺ դարպասների մոտ ՀԱԿ-ը բողոքի ակցիա է հրավիրել: