Սարգսյան ֊ Ալիև հանդիպում Բեռնում. ԱԳ նախարարը մանրամասներ է ներկայացրել (թարմացված, տեսանյութ)
Նմանատիպ
16.50- Հայաստանի Հանրապետության արտաքին գործերի նախարար Էդվարդ Նալբանդյանը լրագրողներին ներկայացնում է Հայաստանի և Ադրբեջանի նախագահների բանակցությունների արդյունքները: Այս մասին «Թվիթեր»-ի իր միկրոգլոգում գրել է ՀՀ Նախագահի մամուլի խոսնակ Վլադիմիր Հակոբյանը: Մանրամասները հայտնի կլինեն ավելի ուշ:
15։07 ֊ Շվեյցարիայի մայրաքաղաքում ավարտվել է Սերժ Սարգսյան ֊ Իլհամ Ալիև հանդիպումը։ Ադրբեջանի նախագահն արդեն հեռացել է Շվեյցարիայի կառավարության ընդունելությունների տան Լանդգուտ Լոն (Landgut Lohn) ամրոցի դահլիճ։ Հայաստանի ղեկավարը շարունակում է շփվել ԵԱՀԿ֊Մինսկի խմբի համանախագահների հետ։
14:23 – Նախագահներ Սերժ Սարգսյանի և Իլհամ Ալիևի առանձնազրույցն ավարտված է։ Բանակցությունները կրկին շարունակվում են Հայաստանի և Ադրբեջանի արտգործնախարարների ու ԵԱՀԿ Մինսկի խմբի համանախագահների մասնակցությամբ։
14:10 – Շվեյցարիայի մայրաքաղաք Բեռնում կառավարության ընդունելությունների տան Լանդգուտ Լոն (Landgut Lohn) ամրոցի դահլիճում այս պահին շարունակվում է նախագահներ Սերժ Սարգսյանի և Իլհամ Ալիևի հանդիպումը։ Ինչպես արդեն նշել ենք, Հայաստանի և Ադրբեջանի պատվիրակությունների անդամները, ինչպես նաև ԵԱՀԿ մինսկի խմբի համանախագահները այս պահին սպասում են նախագահների երկխոսության ավարտին դահլիճից դուրս։ ԵԱՀԿ Մինսկի խմբի ամերիկացի համանախագահ Ջեյմս Ուորլիքը քիչ առաջ այդ փաստը վկայող լուսանկար է հրապարակել։ Վերջինս նաև նշել է, որ նախագահների առանձնազրույցը մեկ ժամից ավել է արդեն ընթացքի մեջ է։
13։28 ֊ Նախագահներ Սերժ Սարգսյանն ու Իլհամ Ալիևը սկսել էին իրենց հանդիպումը ԵԱՀԿ Մինսկի խմբի համանախագահների մասնակցությամբ։ Վլադիմիր Հակոբյանը տեղեկացնում է, որ Ադրբեջանի և Հայաստանի նախագահների հանդիպումը շարունակվում է Անջեյ Կասպրչիկի մասնակցությամբ:
12։53 ֊ ՀՀ նախագահը նույնպես ժամանեց շվեյցարական կառավարության ընդունելությունների տուն։ Քիչ անց կսկսվի հանդիպումը։ Այս մասին հանրությանը տեղեկացրել է նախագահի մամուլի քարտուղար Վլադիմիր Հակոբյանը։
12։43 ֊ Շվեյցարական Բեռն քաղաքում քիչ անց կմեկնարկի Հայաստանի և Ադրբեջանի նախագահների հանդիպումը։ Այդ մասին Twitter֊ի իր միկրոբլոգում գրել է երկրի ղեկավարի մամուլի խոսնակ Վլադիմիր Հակոբյանը։ Վերջինս նաև նշել է, որ առաջինը հանդիպման վայր է եկել Ադրբեջանի նախագահ Իլհամ Ալիևը։
15.07 Ավարտվեց ՀՀ-ի և Ադրբեջանի նախագահների հանդիպումը. Ալիևը հեռացավ, Սարգսյանը շփվում է համանախագահների հետ: Այդ մասին Twitter֊ի իր միկրոբլոգում գրել է երկրի ղեկավարի մամուլի խոսնակ Վլադիմիր Հակոբյանը։
16.50 Հայաստանի Հանրապետության արտաքին գործերի նախարար Էդվարդ Նալբանդյանը լրագրողներին ներկայացնում է Հայաստանի և Ադրբեջանի նախագահների բանակցությունների արդյունքները: Այս մասին «Թվիթեր»-ի իր միկրոգլոգում գրել է ՀՀ Նախագահի մամուլի խոսնակ Վլադիմիր Հակոբյանը: Մանրամասները հայտնի կլինեն ավելի ուշ:
