Մատենադարանում մեկնարկել է Aurora Dialogues քննարկումների շարքը. ՈՒՂԻՂ

«Ընդդեմ ցեղասպանության հանցագործության» երկրորդ գլոբալ ֆորումին զուգահեռ «100 LIVES և «Ավրորա» նախաձեռնությունը  Մեսրոպ Մաշտոցի անվան Մատենադարան հին ձեռագրերի գիտահետազոտական ինստիտուտում անցկացնում է  Aurora Dialogues քննարկումներ, որի շրջանակում անդրադարձ է կատարվելու  մարդասիրական ոլորտի հիմնախնդիրների ներկա վիճակին, փախստականների համաշխարհային ճգնաժամին, հումանիտար ճգնաժամերի վրա աշխարհի ուշադրությունը հրավիրելու հարցում զանգվածային լրատվության հնարավորություններին: Մասնակցում են աշխարհի առաջատար գիտնականներ, բարերարներ, մեդիա փորձագետների եւ մարդասիրության ոլորտի առաջատար մասնագետներ:

 Ելույթների, քննարկումների եւ հարցուպատասխանի միջոցով՝ Aurora Dialogues-ը նպատակ ունի սկիզբ դնել հանրային քննարկումների, որոնք կանդրադառնան անցյալից դասեր քաղելու, ներկայում գործելու եւ ավելի լավ ապագա ձեւավորելու կարեւորությանը։

Քննարկման մասնակիցներին կողջունի 100 LIVES նախաձեռնության համահիմնադիր եւ «Ավրորա» մրցանակի Ընտրող հանձնաժողովի անդամ Վարդան Գրեգորյանը: