Նովոսիբիրսկ-Երևան չվերթի ժամանակ երեխա է ծնվել
12/01/2013 15:14
Նմանատիպ
«Արմավիա» ավիաընկերության առավոտվա՝ Նովոսիբիրսկ-Երևան չվերթի ժամանակ Արմավիրի բնակիչը երեխա է լույս աշխարհ բերել: Այս մասին Panorama.am-ին հաղորդեց «Արմավիա»-ի մամուլի խոսնակ Նանա Ավետիսովան:
Նա նշեց, որ ուղևորուհին իրեն վատ է զգացել, սակայն բորտուղեկցորդուհի Հասմիկ Ղևոնդյանի ցուցաբերած պրոֆեսիոնալ օգնության շնորհիվ ծնունդը նորմալ է անցել` աղջիկ են ունեցել: Վերջինիս որոշել են անվանել բորտուղեկցորդուհու պատվին` Հասմիկ:
Նանա Ավետիսովայից հետաքրքրվեցինք` աշխարհում ընդունված ավանդույթ կա, որ ինքնաթիռում ծնված երեխաները ողջ կյանքում կարող են անվճար ճամփորդել ավիաընկերության ինքնաթիռներով: Սակայն մամլո խոսնակը նշեց, որ դրան դեռ չենք հասել և այս պահին կարելի է խոսել միայն բարի լուրի մասին:
Հետևեք մեզ նաև Telegram-ում