Ֆաբրեգաս. Չավին ու Ինյեստան լավագույն թիմակիցներս չեն կիսապաշտպանությունում
03/05/2016 11:53
![Ֆաբրեգաս. Չավին ու Ինյեստան լավագույն թիմակիցներս չեն կիսապաշտպանությունում](https://times.am/v3/wp-content/uploads/2016/05/d0eee5f927fc7c97a659ee3e5b575892.jpg)
Նմանատիպ
Լոնդոնի «Չելսիի» կիսապաշտպան Սեսկ Ֆաբրեգասը պատասխանել է այն հարցին, թե ում է համարում կիսապաշտպանությունում իր երբևէ ունեցած լավագույն թիմակիցը։ Իսպանացի ֆուտբոլիստը, ով նախկինում խաղացել է նաև «Արսենալում» ու «Բարսելոնայում», անսպասելիորեն նշել է «զինագործների» խաղացողներին, ոչ թե ավելի աստղային Չավիին և Անդրես Ինյեստային։
-Ես մի քանի մրցաշրջան խաղացել եմ Ֆլամինիի հետ, օրինակ, և նա ինձ գերազանց աջակցում էր, շատ մեծ տարածություն էր փակում։ Չավիի և Ինյեստայի հետ համագործակցությունը հիանալի է թվում աչքին, բայց ես իսկական ֆուտբոլն այլ բան եմ համարում։ Այնպես որ՝ եթե ստիպված լինեի միայն մեկ հոգու ընտրել, ապա այդ մեկը կլիներ կա´մ Ժիլբերտո Սիլվան, կա´մ Ֆլամինին,-ասել է Ֆաբրեգասը «Football Daily»-ին։
Հետևեք մեզ նաև Telegram-ում