Հայկ Խանումյանին ծեծի ենթարկելու գործով իրականացվում է հետաքննություն. ԼՂՀ ոստիկանություն
06/06/2016 16:47
![Հայկ Խանումյանին ծեծի ենթարկելու գործով իրականացվում է հետաքննություն. ԼՂՀ ոստիկանություն](https://times.am/v3/wp-content/uploads/2016/06/51b3bfe80916b032617deea3f4808048.jpg)
Նմանատիպ
ԼՂՀ Ազգային ժողովի պատգամավոր Հայկ Խանումյանին ծեծի ենթարկելու գործով իրականացվում է հետաքննություն: Այս մասին «Արմենպրես»-ին տեղեկացրեց ԼՂՀ ոստիկանության հասարակայնության հետ կապի և լրատվության ծառայության պետ Ֆելիքս Հարությունյանը:
«Հայկ Խանումյանի կինը հունիսի 6-ին դիմել է ԼՂՀ ոստիկանություն և տեղեկացրել, որ իր ամուսնուն ծեծի են ենթարկել: Անմիջապես ոստիկանության կողմից ձեռնարկվել են անհետաձգելի օպերատիվ և քննչական միջոցառումներ: Դեպքի վայր են մեկնել ոստիկանության համապատասխան ծառայողները: Ներկայումս իրականացվում է հետաքննություն»,-ասաց Ֆելիքս Հարությունյանը:
Հետևեք մեզ նաև Telegram-ում