Կրթական համակարգում կկատարվեն բարեփոխումներ հօգուտ սոցիալապես անապահով ընտանիքների
![Կրթական համակարգում կկատարվեն բարեփոխումներ հօգուտ սոցիալապես անապահով ընտանիքների](https://times.am/v3/wp-content/uploads/2016/06/a86189f3bdb0c4267a6f5b16b6d1ebdb.jpg)
Նմանատիպ
Մոտ ապագայում ԳԹԿ-ն և ՀՀ կրթության նախարարությունը մշակելու են որոշակի ծրագրեր, որոնք և պետք է լուծեն մի քանի սկզբունքային հարցեր կրթական ոլորտում:
ՀՀ ԿԳ նախարար Լևոն Մկրտչյանն առաջարկում է միասնական քննությունների ընթացքում առանձնացնել միասնական քննությունները, պետպատվերը և մրցույթը։ Նախարարի կարծիքով՝ պետպատվերով դիմորդների շրջանում հատուկ ուշադրության են արժանի սոցիալապես անապահով շերտերը:
«ՀՀ-ում հասարակության մի զգալի հատված հնարավորություն չունի դիմելու կրկնուսույցների, ձեռք բերելու շտեմարաններ կամ վերցնել ուսանողական վարկեր, իսկ ուսման վարձը վճարելն այդ ընտանիքների համար մեծ խնդիր է»,- «Արմենպրես»-ի փոխանցմամբ՝ ասաց Մկրտչյանը: Նա ընդգծեց, որ վճարումն էլ ավելի ծանր է լինում ընտանիքներում, որտեղ կա մի քանի ուսանող: Նախարարի համոզմամբ՝ առաջարկվող առանձնացված տարբերակով պետական օժանդակությունը կդառնա ավելի հասցեական:
Հետևեք մեզ նաև Telegram-ում