ՀՀ վարչապետն արդյունավետ է գնահատել կառավարության և Համաշխարհային բանկի համագործակցությունը
![ՀՀ վարչապետն արդյունավետ է գնահատել կառավարության և Համաշխարհային բանկի համագործակցությունը](https://times.am/v3/wp-content/uploads/2016/06/e72bf47814e0511b19d7c3bfd570c0cb.jpg)
Նմանատիպ
ՀՀ վարչապետ Հովիկ Աբրահամյանն ընդունել է Համաշխարհային բանկի Նիդերլանդական խմբի գծով գործադիր տնօրեն Ֆրենկ Հիմսկերկին: Վարչապետը բարձր ու արդյունավետ է գնահատել ՀՀ կառավարություն- Համաշխարհային բանկ համագործակցությունը և նշել, որ այն զարգանում է փոխադարձ մեծ վստահության մթնոլորտում: Հովիկ Աբրահամյանը կարևորել է ՀԲ-ի հետ համատեղ ծրագրերի իրականացումը՝ մեր երկրում բարեփոխ ումների, ենթակառուցվածքների զարգացման ուղղությամբ և վստահություն հայտնել, որ հետագայում ևս երկկողմ փոխգործակցությունը հաջողությամբ կշարունակվի:
Ֆրենկ Հիմսկերկը շնորհակալություն է հայտնել վարչապետին ընդունելության համար և ընդգծել, որ ՀԲ-ն շարունակելու է իր աջակցությունը ցուցաբերել ՀՀ կառավարությանը՝ ենթակառուցվածքների, ֆինանսական հատվածի զարգացման, էներգետիայի և այլ ոլորտներում:
Հանդիպման ընթացքում զրուցակիցները քննարկել են ՀՀ կառավարություն- Համաշխարհային բանկ համագործակցության ընթացքին և հեռանկարներին վերաբերող մի շարք հարցեր: Անդրադարձ է կատարվել Հայաստանի հետ ՀԲ-ի 2014-2017 թթ. գործընկերության ռազմավարության առաջնահերթություններին և ընթացիկ ծրագրերին:
Հետևեք մեզ նաև Telegram-ում