Քաղավիացիայի գլխավոր վարչության նոր պետը ներկայացվեց աշխատակազմին
![Քաղավիացիայի գլխավոր վարչության նոր պետը ներկայացվեց աշխատակազմին](https://times.am/v3/wp-content/uploads/2016/06/8385888d4f2f5fb0f9a5e77bdd258d2b.jpg)
Նմանատիպ
Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության աշխատակազմին հունիսի 8–ին ներկայացվեց վարչության նոր պետ Սերգեյ Ավետիսյանը: Պարոն Ավետիսյանին ներկայացրեց ՀՀ Կառավարության աշխատակազմի ղեկավար-նախարար Դավիթ Հարությունյանը, ով շնորհակալություն հայտնեց վարչության նախկին պետ Ա րտյոմ Մովսեսյանին 12 տարի պաշտոնավարելու համար, իսկ նոր պետի առջև նախանշեց անելիքները: Այս մասին տեղեկացրին Քաղավիացիայի գլխավոր վարչությունից:
Ինչպես նշեց Ա.Մովսեսյանը. «Յուրաքանչյուր պետական պաշտոնյա պետք է ինչ-որ ժամանակը մեկ կանգ առնի և փորձի վերագնահատել այն արժեհամակարգը, որտեղ ինքը գործում է ու ապրում: Թե ինչ ժամանակահատվածը մեկ կանգ կառնի, դա կախված է այդ պաշտոնյայի իմաստությունից: Կարծում եմ, սա այն հիմնաքարն է, որից սկսվում է ապագայի կառույցը, և որտեղ անձը հնարավորություն է ունենում իր ապագա որոշումներում լինելու առավել ճշմարիտ և համահունչ տվյալ հասարակությանն ու ժամանակաշրջանին»:
Ս.Ավետիսյանը իր խոսքում նշեց. «Շնորհակալ եմ ՀՀ նախագահին և վարչապետին բարձր վստահության համար: Համոզված կարող եմ ասել, որ ջանք չի խնայվելու պլանավորված նպատակներին հասնելու համար: Ցանկանում եմ նաև ընգծել պարոն Մովսեսյանի դերը և իր ներդրումը քաղաքացիական ավիացիայի ոլորտում: Իր պաշտոնավարման տարիների ընթացքում հսկայական փոփոխություններ են տեղի ունեցել ոլորտում»:
Հետևեք մեզ նաև Telegram-ում