Փարիզի Լուվր եւ Օրսե թանգարանները հեղեղումներից հետո վերաբացվել են այցելուների համար
![Փարիզի Լուվր եւ Օրսե թանգարանները հեղեղումներից հետո վերաբացվել են այցելուների համար](https://times.am/v3/wp-content/uploads/2016/06/7e1a462a605f16c2447e850507752eec.jpg)
Նմանատիպ
Անցած շաբաթ հեղեղման սպառնալիքի պատճառով փակված Փարիզի Լուվր եւ Օրսե թանգարանները վերստին իրենց դռները լայնորեն բացել են այցելուների համար: Այդ մասին, ինչպես տեղեկացնում է «Արմենպրես»-ը, հունիսի 8-ին հայտնել են տեղական ԶԼՄ-ները:
Նրանց տվյալներով՝ ցանկացողներն իսկույն հերթ են կանգնել տոմսերի համար, որպեսզի տեսնեն համաշխարհային արվեստի գլուխգործոցները:
Սենում ջրի մակարդակն անցած շաբաթ բարձրացել էր 6,1 մետրով՝ գործնականում մինչեւ առավելագույն մակարդակ 1982 թվականից ի վեր: Փարիզում գետի ափերի երկայնքով արգելապետնեշներ էին կանգնեցրել, իսկ կամուրջներից շատերը փակվել էին երթեւեկության համար:
Լուվր եւ Օրսե թանգարանները հունիսի 3-ից փակվել էին այցելուների համար, դրանց աշխատակիցներն անցած շաբաթվա վերջին հատկապես արժեքավոր ցուցանմուշները տեղափոխել էին անվտանգ վայրեր, հաղորդել է «Ինտերֆաքս»-ը:
Հետևեք մեզ նաև Telegram-ում