Հռոմի պապը կայցելի Օսվենցիմ
![Հռոմի պապը կայցելի Օսվենցիմ](https://times.am/v3/wp-content/uploads/2016/06/483a4212a989878c1534614c0018b6f1.jpg)
Նմանատիպ
Հռոմի Ֆրանցիսկոս պապը Երիտասարդության համաշխարհային օրերի շրջանակներում հուլիսի վերջին Լեհաստան կատարելիք իր ուղեւորության ընթացքում կայցելի Աուշվից Բիրկենաու նախկին նացիստական համակենտրոնացման ճամբար: Այդ մասին, ինչպես տեղեկացնում է «Արմենպրես»-ը, հայտնել է PAP գործակալությունը:
Երիտասարդության համաշխարհային օրերը կանցկացվեն Կրակովում հուլիսի 26-31-ին: Տեղական իշխանություններն սպասում են, որ միջոցառմանը կժամանեն 185 երկրների մոտավորապես 2 մլն մասնակիցներ:
Հունիսի 9-ին Կրակովում եւ Վարշավայում հրապարակվել է Հռոմի պապի պաշտոնական ծրագիրը Լեհաստանում:
Ֆրանցիսկոս պապը երկիր կժամանի հուլիսի 27-ին, նույն օրը նա հանդիպում կանցկացնի Լեհաստանի նախագահ Անջեյ Դուդայի, իսկ ավելի ուշ՝ լեհ հոգեւորականների հետ:
Հուլիսի 28-ի առավոտյան նա պատարագ կմատուցի Լեհաստանի Մկրտության 1050-ամյակի կապակցությամբ, որին ներկա կլինեն երկրի նախագահը եւ իշխանության ներկայացուցիչները:
Հուլիսի 29-ին ծրագրի գլխավոր կետը կդառնա Ֆրանցիսկոսի այցելությունը Օսվենցիմի Աուշվից Բիրկենաու նախկին նացիստական համակենտրոնացման ճամբար: Օրվա երկրորդ կեսին նա կայցելի Կրակովի մանկական հիվանդանոց, որտեղ կհանդիպի հիվանդ երեխաների ու նրանց ծնողների հետ, հաղորդել է ՌԻԱ Նովոստի գործակալությունը:
Հետևեք մեզ նաև Telegram-ում