Սիրիական բանակը ռուսական օդուժի աջակցությամբ ձեռնամուխ կլինի Հալեպի ազատագրմանը. Սիրիայի դեսպան
![Սիրիական բանակը ռուսական օդուժի աջակցությամբ ձեռնամուխ կլինի Հալեպի ազատագրմանը. Սիրիայի դեսպան](https://times.am/v3/wp-content/uploads/2016/06/a30a21781bc5c58aacdf23e8f546d1e0.jpg)
Նմանատիպ
Սիրիայի բանակը մոտ ժամանակներս Ռուսաստանի օդատիեզերական ուժերի աջակցությամբ առաջ կշարժվի Հալեպի ուղղությամբ, որպեսզի զինյալներին դուրս մղի քաղաքից: Այդ մասին, ինչպես տեղեկացնում Է «Արմենպրես»-ը, հունիսի 9-ին հայտնել է Մոսկվայում Սիրիայի Արաբական Հանրապետության դեսպան Ռիյադ Հադադը:
«Հալեպում տեղի կունենա գլխավոր ճակատամարտը, եւ դրանում հաղթելը կնշանավորի ահաբեկչական բոլոր խմբավորումների պարտությունը: Մոտ ժամանակներս սիրիական բանակը կշարժվի Հալեպի ուղղությամբ եւ ՌԴ օդատիեզերական ուժերի աջակցության շնորհիվ քաղաքը կազատվի զինյալներից»,- հայտնել է դեսպանը լրագրողներին:
Դիվանագետը ճշտել է, որ սիրիական բանակի գեներալները տեղեկատվություն չեն տարածում ռազմական պլանների վերաբերյալ, այդուհանդերձ, Հադադի խոսքով, «մոտ ժամանակներս կներկայացվի Հալեպի ազատագրման պլանը», հաղորդել է ՌԻԱ Նովոստին:
Հետևեք մեզ նաև Telegram-ում