Թրամփն իր 70-ամյակը նշում է նախընտրական հանրահավաքում
![Թրամփն իր 70-ամյակը նշում է նախընտրական հանրահավաքում](https://times.am/v3/wp-content/uploads/2016/06/1e6be326f5ed434ea3e4afa8cf7df4b8.jpg)
Նմանատիպ
Միլիարդատեր Դոնալդ Թրամփը, որն իր համար ապահովել է Հանրապետական կուսակցությունից ԱՄՆ-ի նախագահի պաշտոնի թեկնածու առաջադրվելը, հունիսի 14-ին տոնում է 70-ամյակը: Այդ օրը նա հակված չէ հիշելու ապրած տարիները, բայց դրա փոխարեն տրամադրված է խուսափել նախընտրական պայքարում երկարատեւ ընդմիջումներից, տեղեկացնում է «Արմենպրես»-ը:
Չնայած տարիքին, քաղաքական գործիչը չի թուլացնում նախագահական մրցարշավի տեմպը: Հունիսի 13-ին նա կողմնակիցների հետ հանդիպում է անցկացրել Նյու Հեմփշիրի նահանգում, երկրորդն ստիպված է եղել չեղյալ հայտարարել Օռլանդոյում կատարված (Ֆլորիդայի նահանգ) ահաբեկչական գործողության պատճառով, որը 50 մարդու կյանք խլեց: Հունիսի 14-ին հանրապետականը հանրահավաք է կազմակերպում Գրինսբորոյի (Հյուսիսային Կարոլինայի նահանգ) մարզական արենայում: Այս շաբաթ նա ուղեւորություններ է նախատեսել Ատլանտա (Ջորջիայի նահանգ), Հյուսթոն եւ Դալլաս (Տեխասի նահանգ), ինչպես նաեւ Լաս Վեգաս (Նեւադայի նահանգ):
Կլոր տարեթվի առթիվ հունիսի 11-ին երկրպագուները կուռքի համար երգել են «Ծննդյանդ օրը շնորհավոր» երգը: Միլիարդատերը ծիծաղել է եւ ասել, թե «չի ցանկանում լսել դրա մասին» (ծննդյան օրվա):
«Ես ինձ այնպես եմ զգում, ասես 35 տարեկան լինեմ: Եվ դա լավ նորություն է»,- հայտարարել է Թրամփը, հաղորդել է ՏԱՍՍ-ը:
Հետևեք մեզ նաև Telegram-ում