Արդեն 3 օր է՝ հայտարարում են, թե Լարսը կբացվի գոնե մարդատարների համար։ Բայց երեկ այդպես էլ չբացվեց։ «Ապավեն» բեռնափոխադրող ընկերության նախագահ Գագիկ Աղաջանյանն ասել է, որ խոսքն առայժմ ժամանակավոր բացման մասին կարող է լինել, ո՛չ հիմնավոր։

Ընթանում են վերականգնման աշխատանքներ, որոշակի ծավալի աշխատանք արդեն կատարված է։ «Այսինքն՝ մի գծով հողային աշխատանքները կատարված են, որոնց վրայով հնարավոր է անցնել։

Միտքը հետեւյալն է՝ այդ մի գծով մարդատար մեքենաները, որոնք կուտակված են, մի 2 ժամով բացեն, որ անցնեն, որպեսզի թեթեւացնեն կուտակումը։ Հետո նորից շարունակեն աշխատանքները։ Բայց կա նաև երկրորդ հարցը՝ արդյոք հիմա՞ բաց թողնեն, թե՞ ոչ։ Թե՞ կա վտանգ, որ հենց բաց թողնեն, կարող է էլի մի բան լինի։ Նախ՝ անձրևը շարունակվում է, ջրային հոսանքի վտանգը պահպանվում է, և մետեոծառայությունն առայժմ դրական կանխատեսումներ չի անում, ցանկացած րոպեի սելավային ջրերը կարող են նորից իջնել, ու այն ընթացքում, որ բաց լինի, կմաքրեն-կտանեն ամեն ինչ»։

Նշենք, որ ավելի վաղ նա ասել էր, որ լավատեսական հաշվարկներով 10 օր, վատատեսականով՝ մինչև մեկուկես ամիս կտևի. «Ըստ էության՝ 10 օրն անցավ։ Եթե եղանակի դրական փոփոխություն տեղի ունեցավ, թեթև շարժ կսկսվի, բայց հայտարարել, որ ճանապարհը բաց է երթեւեկության համար, ես ձեռնպահ կմնամ»։ Ճանապարհի լիարժեք բացման համար 2 շաբաթից մինչև մեկուկես ամիս