Քուրդ զինյալները Թուրքիայի տարբեր շրջաններում համաժամանակյա հարձակումներ են իրականացրել
![Քուրդ զինյալները Թուրքիայի տարբեր շրջաններում համաժամանակյա հարձակումներ են իրականացրել](https://times.am/v3/wp-content/uploads/2016/10/9cc7b1a7b2a30fa3c42338cb452c0b51.jpg)
Նմանատիպ
Թուրքիայի Քրդական բանվորական կուսակցության (PKK) անդամները համաժամանակյա հարձակումներ են իրականացրել երկրի տարբեր շրջաններում: Ինչպես հաղորդում է «Արմենպրես»-ը, այս մասին տեղեկացնում է թուրքական «Հաբերլեր» լրատվականը:
Քուրդ զինյալները հարձակվել են թուրքական զինուժի վրա Հաքքարիում` պայթեցնելով ռազմական զրահամեքենան: Այստեղ վիրավորվել են չորս թուրք զինվոր:
Թուրքական մեկ այլ շրջանում` Ադըյամանում, բախում է սկսվել PKK-ի մարտիկների և թուրք զինվորների միջև, ինչի հետևանքով վիրավորվել է մեկ զինվոր:
Դիարբեքիրի Քուլփ գավառում ևս քուրդ զինյալները կրակ են բացել թուրքական ժանդարմերիայի վրա: Այստեղ տուժածների մասին տեղեկություն չի հաղորդվում:
Ավելի վաղ հաղորդվում էր Վանի Բաշքալե գավառում իրականացված հարձակման մասին: Զինվորական զրահամեքենայի անցնելու ժամանակ քուրդ զինյալները հեռակառավարման սարքի միջոցով պայթեցրել էին ճանապարհին տեղադրված պայթուցիկը: Կատարվածի հետևանքով վիրավորվել են ութ զինվոր, որոնցից երկուսի վիճակը ծանր է:
Հետևեք մեզ նաև Telegram-ում