Ոստիկանությունն օպերատիվ կերպով պարզում է ստացված ահազանգերի իրողությունը

Այսօր մի քանի տեղամասերի վերաբերյալ ինտերնետային կայքերի միջոցով ստացել ենք ահազանգեր, որոնք դեռևս ստուգման փուլում են: Այս մասին ԿԸՀ տեղեկատվական կենտրոնում լրագրողներին հայտնեց ՀՀ ոստիկանության իրավաբանական վարչության պետ, ոստիկանության գնդապետ Թաթուլ Պետրոսյանը:

Նրա փոխանցմամբ՝ ահազանգերը հիմնականում վերաբերում են առանձին ընտրատեղամասերում տեղի ունեցող լցոնումներին:

Թ.Պետրոսյանն ընդգծեց, որ ստացված տեղեկությունները օպերատիվ կերպով փորձում են պարզել: