Մարզպետներով հյուրանոց են կառուցում Ծաղկաձորում
Նմանատիպ
«Ժողովուրդ»-ի լավատեղյակ աղբյուրները փոխանցում են, որ Ծաղկաձոր քաղաքում մի քանի մարզպետներ պատրաստվում են շքեղ հյուրանոցային համալիր կառուցել: Մեր տեղեկություններով՝ տարածքն արդեն ընտրված է՝ կկառուցվի «Քաչալ սար» անվամբ հայտնի տարածքում:
Նշվում է, որ նախագծի հեղինակը Կոտայքի մարզպետ Կովալենկո Շահգալդյանն է՝ Կովալը, որտեղ մասնաբաժին են ունենալու Տավուշի մարզպետ Արմեն Ղուլարյանն ու Շիրակի արդեն նախկին մարզպետ Աշոտ Գիզիրյանը: Ի դեպ, մարզպետները ամեն ինչ անում են, որ իրենց անունն այդ տարածքի հետ ոչ մի առնչություն չունենա:
Այնուամենայնիվ,«Ժողովուրդ»-ը զրուցեց Կոտայքի մարզպետ Կովալենկո Շահգալդյանի հետ՝ ճշտելու տեղեկությունը: «Եթե ես մի հյուրանոց կառուցեմ, ես համայն աշխարհին կասեմ՝ սիրելինե՛րս, այս տարածքում էս նախագծային հզորություններով հյուրանոց եմ կառուցում: Նման բան չկա»,-ասաց նա:
Հետևեք մեզ նաև Telegram-ում