Ա.Շիֆը շնորհավորական ուղերձ է հղել արցախյան շարժման 25-ամյակի կապակցությամբ

ԱՄՆ կոնգրեսական Ադամ Շիֆը շնորհավորական ուղերձ է հղել Արցախի նախագահ Բակո Սահակյանին՝ արցախյան շարժման 25-ամյակի առթիվ, հաղորդում է «Asbarez.com»-ը:

Նամակում մասնավորապես ասված է.

«Հարգելի պարոն նախագահ,

Շնորհավորում եմ Ձեզ, Լեռնային Ղարաբաղի Հանրապետության ժողովրդին ու կառավարությանը՝ ազգային-ազատագրական շարժման 25-ամյա տարեդարձի կապակցությամբ: Մեկ քառորդ դար առաջ Արցախի ժողովուրդը բարձրացրեց իր ձայնը հանուն ազատության և արժանապատության և ընդդեմ Խորհրդային կոմունուզմի և էթնիկ անհանդուրժողականության:

Արցախի կայացման ճանապարհը դյուրին չի եղել, և Ձեր ու Արցախի ժողովրդի շնորհիվ է, որ անցյալի փորձությունները չկոտրեցին ձեր կամքն ու վճռականությունը:

Սումգաիթում և ադրբեջանական այլ քաղաքներում 25 տարի առաջ տեղ գտած ողբերգություններն ապացուցեցին ինքնիշխան ժողովրդավարություն կառուցելու միջոցով իր ժողովրդի ինքնությունը պահպանելու Լեռնային Ղարաբաղի ընտրության արդարացիությունը:

Ցանկանում եմ նշել, որ ես կանգնած եմ արցախցի ժողովրդի կողքին՝ Արցախի միջազգային ճանաչման և ժողովրդավարական համակարգն ամրապնդելու ճանապարհին:

Ես այսօր միանում եմ ձեզ և անհամբեր սպասում եմ այն օրվան, երբ Արցախը կհասնի արժանի ճանաչման»: