«Մենք հարգում ենք պարոն Գիզիրյանի դիմումը». Շիրակի մարզպետն ազատվել է պաշտոնից
28/02/2013 12:47
Նմանատիպ
ՀՀ կառավարության որոշման համաձայն՝ Աշոտ Գիզիրյանն ազատվել է Հայաստանի Հանրապետության Շիրակի մարզպետի պաշտոնից՝ իր դիմումի համաձայն:
Կառավարության այսօրվա միստում վարչապետ Տիգրան Սարգսյանը մասնավորապես նշել է. «Ես հանդիպել եմ պարոն Գիզիրյանին՝ իր ցանկությամբ և նախաձեռնությամբ: Այս դիմումը պարոն Գիզիրյանը ներկայացրել է իր սեփական նախաձեռնությամբ, ինչը կարևոր հանգամանք է, քանի որ տարբեր տիպի տեղեկատվություն է տարածվել ԶԼՄ-ներով, որոնք իրականությանը չեն համապատասխանում: Կառավարության անունից շնորհակալություն եմ հայտնում պարոն Գիզիրյանին իր կողմից կատարված աշխատանքների համար: Մենք հարգում ենք պարոն Գիզիրյանի դիմումը»:
Հիշեցնենք, որ Ա. Գիզիրյանը զբաղեցրած պաշտոնից ազատվելու համար ՀՀ վարչապետ Տիգրան Սարգսյանին դիմում էր ներկայացրել փետրվարի 22-ին:
Հետևեք մեզ նաև Telegram-ում