Հ. Աբրահամյան. «Սիրելի կանայք, դուք ձեր ընտանիքների հիմնասյունն ու պահապանն եք»
Նմանատիպ
ՀՀ Ազգային ժողովի նախագահ Հովիկ Աբրահամյանը շնորհավորական ուղերձ է հղել Կանանց տոնի առթիվ: Ուղերձում մասնավորապես ասվում է.
«Սիրելի՛ կանայք,
ջերմորեն շնորհավորում եմ ձեզ մարտի 8-ի’ Կանանց տոնի առթիվ:
Դուք ձեր ընտանիքների հիմնասյունն ու պահապանն եք, գեղեցիկի կրողն ու փոխանցողը: Ձեր ավանդը անչափելի է նաեւ հասարակական-քաղաքական կյանքում, սերունդների դաստիարակության ու ազգապահպանության գործում: Ի վերուստ տրված եւ սիրով ստանձնած ձեր մեծ առաքելությունը դուք ինքնանվիրումով ու արժանապատվությամբ եք կատարում որպես մայր, որպես կին, որպես քույր ու դուստր:
Ձեր շնորհիվ է, որ ընտանիքը շարունակում է մնալ մոլորակի ամենաջերմ ու հաճելի անկյունը , իսկ աշխարհը դառնում ավելի ու ավելի ներդաշնակ, բարի ու հանդուրժող :
Եւս մեկ անգամ շնորհավորելով գարնանային այս հրաշալի տոնի առթիվ՝ մաղթում եմ ձեզ երջանկություն, բարեկեցություն, բարձր տրամադրություն ու հավատ: Թող սերն ու հոգեկան անդորրը լինեն ձեր կյանքի մշտական ուղեկիցները»:
Հետևեք մեզ նաև Telegram-ում