Իվանիշվիլին խնայում է նախարարների հաշվին

Վրաստանի վարչապետ Բիձինա Իվանիշվիլին 12 տոկոսով  կրճատել է կառավարության  նախարարների աշխատավարձերը: 

«Newsgeorgia.ru» կայքի փոխանցմամբ, այժմ նախարարների ամսական աշխատավարձը կազմելու է 6300 լարի (մոտ 3,8 հազար դոլար), իսկ հավելավճարներ կհատկացվեն տարեկան մեկ անգամ:

Հաղորդման փոխանցմամբ, աշխատավարձերի տրամադրման գործընթացն այսուհետ կլինի բաց և թափանցիկ: Կայքում նշվում է նաև, որ վարչապետը հրաժարվել է նախորդ իշխանությունների օրոք գործող պրակտիկայից, երբ նախարարներն ամսվա ընթացքում մի քանի անգամ կարող էին գումարներ դուրս գրել և իրենք իրենց պարգևավճարներ տալու նպատակով: