Ցեղասպանություն բառից թուրքերը խլանում են
Նմանատիպ
Թուրք դեսպան. Թուրքերը, երբ լսում են ցեղասպանություն բառը, այլևս ոչինչ լսել չեն ցանկանում
Մի քանի օր առաջ Կանադայում Հայաստանի արտակարգ և լիազոր դեսպան Արմեն Եգանյանը կոչ էր արել Կանադայում Թուրքիայի դեսպանին համարձակություն ունենալ ճանաչել Հայոց ցեղասպանությունը:
Եգանյանը բաց նամակով պատասխանել է Կանադայում Թուրքիայի դեսպան Թունջայ Բաբալըի այն հայտարարությանը, որ վերջինս չի հանդիպել Հայոց ցեղասպանությունն ապացուցող պատմական կամ իրավական որևէ հիմնավոր փաստի:
Ինչպես հայտնում է թուրքական «Հաբեր 3» լրատվական կայքի ‘ Բաբալըն պատասխանել է հայ դեսպանի բաց նամակին:
Նամակում մասնավորապես նշված է.«Մեր մասնագիտությունն ու պրոֆեսիանալիզմը պահանջում են, որ մեր կառավարությունների միջև առկա խնդիրները լուծելու ճանապարհներ գտնենք և երկու ժողովուրդներին մոտեցնենք իրար’ ձերբազատվելով միայն մեկ բառի գերին լինելուց: Թուրքերը, երբ այս բառը լսում են, այլևս ոչ մի բան չեն ուզում լսել, իսկ հայերը’ ընդհակակառակը իրենց այլևս ոչ մի բան չի հետաքրքրում, երբ չեն լսում այս բառը: Բացի այդ, կարիք չկա լցնել առանց այդ էլ բավականին լիքը ատելության լողավազանը: Ոչ մի բանի չտանող քննարկումների մեջ ներքաշվելը շատ հոգնեցնող է»:
Հետևեք մեզ նաև Telegram-ում
