«Առավոտը» գրում է. «Մինչ Գյումրու նախորդ ու ներկա պաշտոնյաներն ասֆալտի թեմայով կռիվ են մղում, քաղաքի վարորդները պատրաստվում են բողոքի ակցիա անցկացնել’ ընդդեմ փոսերի: Այսօր առավոտյան վարորդները կհավաքվեն Մայակովսկի և Հաղթանակի պողոտաների խաչմերուկում, «Պուրակ» խանութի դիմաց՝ «Հերիք եղավ, տեր էղեք էս ավերված, ռմբակոծված փողոցներին» թեմայով բողոքի ակցիա անցկացնելու:
Ըստ վարորդների’ Գյումրու ցեխի մեջ թաղված փողոցներով երթևեկելը շատ թանկ է արժենում, ամեն օր ստիպված ծախսեր են անում կոտրված մեքենաները վերանորոգելու համար: Օրեր առաջ նմանատիպ ակցիա էին անցկացրել ֆեյսբուքյան «Բարև Գյումրի» խմբի անդամները’ «Ջեբդ մի լից, փոսը լից», «Զգուշացեք փոսերից» և այլ կարգախոսներով: Գյումրու փողոցների կատաստրոֆիկ վիճակի մասին մի քանի օր առաջ բարձրաձայնեց նաև քաղաքապետ Սամվել Բալասանյանը: Ի դեպ, հենց փողոցների թեմայով կռիվ ծագեց Գյումրու նախկին և ներկա քաղաքապետերի միջև»:
