ՀՀԿ-ն Երեւանի ավագանու ընտրությունների ցուցակը ներկայացրել է ԿԸՀ
20/03/2013 20:32
Նմանատիպ
Հայաստանի Հանրապետական կուսակցությունը (ՀՀԿ) այսօր Կենտրոնական ընտրական հանձնաժողով է ներկայացրել մայիսի 5-ին կայանալիք Երևանի ավագանու ընտրությունների իր ցուցակը:
Ինչպես հաղորդում է Tert.am-ը, այս մասին տեղեկացնում է ԿԸՀ մամուլի քարտուղար Հերմինե Հարությունյանը:
ԿԸՀ մամուլի քարտուղարը նշել է նաեւ, որ ցուցակն ամբողջությամբ կտեղադրվի կայքում ուշ երեկոյան, իսկ մինչ այդ հանձնաժողովը կուսումնասիրի փաստաթղթերը:
Հարությունյանն այժմ հրապարակել է միայն ցուցակի առաջին երեք համարների տվյալներ: Նրանք են Երևանի քաղաքապետ Տարոն Մարգարյանը, Հայաստանի շախմատի ֆեդերացիայի փոխնախագահ Սմբատ Լպուտյան և Հայաստանի Ճարտարապետաշինարական ինստիտուտի ռեկտոր Հովհաննես Թոքմաջյան:
ՀՀԿ մամուլի խոսնակ Էդուարդ Շարմազանովը տեղեկացրել է, որ ՀՀԿ-ն կազմել է 195 հոգանոց ցուցակ:
Հետևեք մեզ նաև Telegram-ում