ՕԵԿ-ը կմասնակցի Երևանի ավագանու ընտրություններին

ՕԵԿ լիազոր ներկայացուցիչ Գուրգեն Սարգսյանը քիչ առաջ Երևանի ավագանու ընտրությունների առաջադրման համար անհրաժեշտ փաստաթղթերը հանձնեց Կենտրոնական ընտրական հանձնաժողով:
Ինպես հաղորդում են ԿԸՀ մամուլի ծառայությունից հայտնում են, որ ՕԵԿ ցուցակը գլխավորում է ԱԻ նախարար Արմեն Երիցյանը, նրան հետևում են Հովհաննես Շահինյանն ու Սոֆյա Արթենյանը:
Այսօր Երևանի ավագանու ընտրությունների առաջադրուման վերջին օրն է:
Հիշեցնենք, որ երեկ ԿԸՀ դիմել էր նաև ՀՀԿ-ն: «Ժառանգություն»-ը ԿԸՀ կգնա մոտ մեկ ժամից: Մինչ այս պահը հայտնի չէ, թե ով է գլխավորելու «Ժառանգության» ցուցակը: Ավագանու ընտրություններին իրենց մասնակցության մասին հայտնել են ԲՀԿ-ն, ցուցակը գլխավորում է Վարդան Օսկանյանը, ՀԱԿ-ը’ առաջին հորիզոնականում տնտեսագետ, նախկին քաղաքապետ Վահագն Խաչատրյանն է:

Գրանցումը կտևի մարտի 21-31-ը: Քարոզարշավը կմեկնարկի ապրիլի 7-ից, մայիսի 4-ին լռության օր է, մայիսի 5-ին’ քվեարկություն: