Քրդերը լսում են իրենց առաջնորդին եւ պատրաստ են հաշտության պայմաններին հետեւել

Ինչպես արդեն տեղեկացվել էր, այսօր քրդերի առաջնորդ Ա. Օջալանը կոչով դիմել էր Քրդստանի աշխատավորական կուսակցության (PKK) ներկայացուցիչներին, որպեսզի նրանք զենքերը վայր դնեն եւ հեռանան Թուրքիայից: Ինչպես տեղեկացնում է ռուսական Ria Novosti կայքը, Քրդստանի աշխատավորական կուսակցության ռազմական թևի ղեկավարը հայտնել է, որ անջատողականները պատրաստ են Թուրքիայի հետ հաշտության պայմաններին հետեւել:

Թուրքիայի վարչապետ Ռեջեփ Թայիփ Էրդողանն իր հերթին նշել է, որ Անկարան կդադարեցնի ռազմական գործողությունները քրդական զինված միավորումների դեմ այն դեպքում, եթե զինյալ քրդերը հարձակումնեներ չիրականացնեն: Էրդողանը Օջալանի հորդորը նաեւ «դրական զարգացում» է որակել: