Շարմազանով. Րաֆֆի Հովհաննիսյանի հետ կոալիցիա կազմելու առանձին հարց օրակարգում չկա
28/03/2013 12:19
Նմանատիպ
Հայաստանի Հանրապետական կուսակցության գործադիր մարմնի նիստում «Ժառանգություն» կուսակցության ղեկավար Րաֆֆի Հովհաննիսյանի հետ կոալիցիա կազմելու առանձին հարց չի քննարկվելու: Այս մասին տեղեկացնում են ՀՀԿ լրատվական ծառայության տարածած հաղորդագրությունից։
Ըստ մամուլում տարածված տեղեկատվության` ՀՀԿ ԳՄ նիստում քննարկվելու է Րաֆֆի Հովհաննիսյանի հետ կոալիցիա կազմելու հարցը:
«Օրակարգում Րաֆֆի Հովհաննիսյանի հետ կոալիցիա կազմելու կոնկրետ հարց չկա: Լինելու է գործադիր մարմնի հերթական նիստ, որի ընթացքում քննարկվելու են ներքաղաքական և ներկուսակցական հարցեր»,- ասել է ՀՀԿ քարտուղար, Ազգային ժողովի փոխնախագահ Էդուարդ Շարմազանովը։
ՀՀԿ խոսնակը նաեւ ընդգծել է, որ քննարկումներ են լինելու նաև Երևանի ավագանու ընտրությունների հետ կապված:
Հետևեք մեզ նաև Telegram-ում