Հայաստանում մեռավ բնապահպանական շարժումը.Հրանտ Մելիք-Շահնազարյան
Նմանատիպ
Քաղաքական ցանկացած լուրջ գործընթաց սովորաբար զուգորդվում է այլ զարգացումներով, որոնք կարող են էական ազդեցություն ունենալ ոչ միայն այդ գործընթացի, այլև հասարակութան ինչ-որ հատվածների և ընդհանրապես երկրի ապագայի վրա: Այս առումով Հայաստանում տեղի ունեցող իրադարձությունները բացառություն չեն, և այն, ինչ մենք երեկ տեսանք մայրաքաղաքի փողոցներում, ասվածիս վառ ապացույցն է: Խոսքս, «բնապահպան» ակտիվիստների մասին է:
Երեկ նրանք հերթական անգամ ցույց տվեցին, որ Հայաստանում մեռել է բնապահպանական շարժումը: Այն մնացել է Րաֆֆի Հովհաննիսյանի քաղաքական ամբիցիաների փլատակների տակ՝ վերափոխվելով քաղաքական փոքրիկ ուժի: Ընդ որում, ծայրահեղ անտագոնիզմի բացահայտ ախտանշաններով ուժի: Եվ սա Րաֆֆի Հովհաննիսյանի խոստացած «Նոր Հայաստանի» առաջին պտուղներն են: Ցավոք, մեր երկրում քաղաքական գործիչներն այդպես էլ չկարողացան հրաժարվել մարդկանց «իրենց տակը կոխելու» մարտավարությունից: Եվ Րաֆֆին բացառություն չէր:
Բնականաբար իրենք իրենց «բնապահպան» հռչակած երիտասարդներն ապագայում էլ կփորձեն ինքնահաստատվել հասարակությանը հուզող խնդիրների հաշվին: Բայց այսուհետ նրանց՝ որպես այդպիսին այլևս հնարավոր չէ ընկալել: Րաֆֆի Հովհաննիսյանը խոսում էր սեփական դիակի մասին, բաց զոհաբերեց բնապահպանական շարժումը: Իհարկե, վերջիններիս գործուն և ավելի քան ոգևորված աջակցությամբ:
Հետևեք մեզ նաև Telegram-ում