«Հայաստան-Սփյուռք» համաժողովի մասնակիցները հարգանքի տուրք մատուցեցին Հայոց ցեղասպանության զոհերի հիշատակին
19/09/2017 12:03
Նմանատիպ
«Հայաստան-Սփյուռք» 6-րդ համաժողովի մասնակիցները հարգանքի տուրք մատուցեցին Հայոց ցեղասպանության զոհերի հիշատակին: Սեպտեմբերի 19-ին համաժողովի մասնակիցներն այցելեցին Հայոց ցեղասպանության զոհերի հիշատակը հավերժացնող Ծիծեռնակաբերդի հուշահամալիր:
Համաժողովի մասնակիցները ծաղիկներ դրեցին Ցեղասպանության զոհերի հիշատակը հավերժացնող հուշարձանին, անմար կրակի մոտ համատեղ կատարեցին «Կիլիկիա» երգը:
«Հայաստան-Սփյուռք» համաժողովի մասնակիցներին ուղեկցում էր ՀՀ սփյուռքի նախարար Հրանուշ Հակոբյանը:
Սեպտեմբերի 18-20-ը Երևանում անցկացվում է «Հայաստան-Սփյուռք» համաժողովը: Համաժողովին մասնակցում է շուրջ 2 հազար մարդ Հայաստանից, սփյուռքից և Արցախից; Համաժողովին մասնակցելու համար Հայաստան է ժամանել նաև Թուրքիայի խորհրդարանի հայազգի պատգամավոր Կարո Փայլանը:
Հետևեք մեզ նաև Telegram-ում