Հայտնաբերվել է Ռուբենսի կորած կտավը

Գլազգոյի թանգարանում 400 տարի անց հայտնաբերվել է ֆլամանդացի նկարիչ Պիտեր Պաուլ Ռուբենսի «կորած» կտավը: Այս մասին տեղեկացնում է  cultural.am-ը։

Գազետա.ռու կայքը՝ վկայակոչելով BBC-ին, գրում է, որ բրիտանացի լրագրող և արվեստաբան Բենդոր Գրոսվենորը Գլազգոյի Պոլլոկի տուն-թանգարանի հավաքածուում գտել է Բուքինգեմի առաջին դուքս Ջորջ Վիլյերսի վերականգնված դիմանկարը, որը ստեղծվել է 17-րդ դարում։

Կտավը համարվում էր Ռուբենսի աշխատանքի պատճեն, սակայն Գրոսվենորը հետազոտություն է անցկացրել և պարզել, որ կտավը բնօրինակն է: Նրա խոսքով՝ կեղտի ու ավելի ուշ հայտնված ներկի շերտի տակ թաքնված են եղել հանրահայտ նկարչի հնարքները:

«Մեծ Բրիտանիայի պատմության մեծագույն արվեստագետներից մեկի այդպիսի կարևոր դիմանկար բացելու հնարավորությունն իրապես հետաքրքիր էր»,-ասել է Գրոսվենորը։