«Նապոլիի» հաղթարշավը շարունակվում է (տեսանյութ)

Իտալիայի առաջնության 7-րդ տուրում առաջատարներից «Նապոլին» սեփական հարկի տակ խոշոր հաշվով առավելության հասավ «Կալյարիի» նկատմամբ։ Նեապոլի «Սան Պաոլո» մարզադաշտում կայացած հանդիպումն ավարտվեց 3։0 հաշվով։ 4-րդ րոպեին հաշիվը բացեց Մարեկ Համշիկը, 40-րդ րոպեին աչքի ընկավ Դրիս Մերտենսը՝ անվրեպ իրացնելով 11-մետրանոց տուգանայինը, իսկ վերջնական հաշիվը 47-րդ րոպեին ձևակերպեց Կալիդու Կուլաբալին։

Այս հաղթանակից հետո «Նապոլին» 21 միավորով գլխավորում է մրցաշարային աղյուսակը։ Մաուրիցիո Սարիի թիմին հավասարվելու հնարավորություն ունի «Յուվենտուսը» (18), որը տուրի շրջանակում իր հանդիպումը դեռ չի անցկացրել։ «Կալյարին» 6 միավորով 14-րդ տեղում է։

Խաղի տեսաամփոփումը ներկայացված է այս հղմամբ։