ՀԱԿ խմբակցության անդամ Լյուդիմլա Սարգսյանը պարզագույն ստախոս է. Ա Մարտիրոսյան
Նմանատիպ
«Ժառանգություն» կուսակցության փոխնախագահ Արմեն Մարտիրոսյանը վստահություն հայտնեց, որ այսօրվա հանրահավաքը կկայանա և Ր. Հովհաննիսյանը ներկա կգտնվի:
Ի պատասխան ՀԱԿ խմբակցության անդամ Լյուդիմլա Սարգսյանի այն մտքին, որ այսօրվա հանրահավաքը չի իրականանա, քանի որ Հովհաննիսյանը չի ներկայանա`Մարտիրոսյանն ասաց. «Բայց ինքը որտեղի՞ց գիտի, ախր: Ինքը սուտասան է, պարզագույն սուտասան է: Մի քանի հոգով երեկ Րաֆֆի Հովհաննիսյանի հետ զրուցել ենք, Լյուդմիլա Սարգսյանը կարծես թե չկար, ինչքան հիշում եմ, ակնոցներն էլ աչքերս էր: Թևան Պողոսյանը երեկ նույնիսկ չի իմացել, որ Հովհաննիսյանը Մոսկվա է մեկնում: Առավոտ շուտ մի քանի հոգու հավաքել է, ասել»:
Այն հարցին, թե արդյոք ճիշտ են մամուլում շրջանառվող լուրերը, համաձայն որի Մոսկվայում Հովհաննիսյանը հանդիպել է ՌԴ նախագահի աշխատակազմի Միջտարածաշրջանային և արտասահմանյան երկրների հետ մշակութային կապերի վարչության ղեկավար Վլադիմիր Չեռնովի հետ, Ա. Մարտիրոսյանն ասաց. «Դե մենք փոքր մարդ ենք, չենք իմանում, ով ում հետ է հանդիպել, իրենք ավելի տեղեկացված են»:
Ինչ վերաբերվում է այսօր պայանալիք հանրահավաքին, ապա Մարտիրոսյանը հրաժարվեց որևէ փակագիծ բացել և կոչ արեց ներկա գտնվել ու տեղում պարզել:
Հետևեք մեզ նաև Telegram-ում