Դմիտրի Խվորոստովսկու կինը հերքել է ամուսնու մահվան լուրերը

Օպերային երգիչ Դմիտրի Խվորոստովսկու կինը՝ Ֆլորանսը, Ֆեյսբուքում գրել է, որ ամուսնու մահվան մասին լուրերը չեն համապատասխանում իրականությանը, փոխանցում է Gazeta–ն։

«Ամուսնուս հետ ամեն բան կարգին է, նա կողքիս երջանիկ քնած է։ Գրողի ծո՛ցը մարդիկ, որոնք նման բաներ են գրում»,– գրել է երգչի կինը։

Երեքշաբթի գիշերը kp.ru կայքը հայտնել էր, որ երգիչը քաղցկեղից մահացել է։ Ավելի ուշ այս տեղեկությունը հերքել էին նրա տնօրենն ու գործընկեր Խիբլա Գերզմավան։