Տիգրան Մանսուրյանը՝ «Համագործակցության աստղեր» միջպետական մրցանակի դափնեկիր
Նմանատիպ
ԱՊՀ երկրների մարդասիրական «Համագործակցության աստղեր» միջպետական մրցանակի հանձնման խորհուրդը հայտարարել է 2016 թվականի դափնեկիրներին:
Բարձր պարգևին հավակնում էին 8 երկրից 12 թեկնածու: Ժյուրիի որոշմամբ «Համագործակցության աստղեր» մրցանակին արժանացել է ութ հավակնորդ այդ թվում նաև ՀՀ ժողովրդական արտիստ, կոմպոզիտոր Տիգրան Մանսուրյանը: Այս մասին տեղեկացնում է Panorama.am-ը։
«Համագործակցության աստղեր» ամենամյա մրցանակը տրվում է ԱՊՀ երկրների ներկայացուցիչներին գիտության և կրթության, մշակույթի և արվեստի, հումանիտար գործունեության ոլորտներում այնպիսի մեծագույն ձեռքբերումների ու ներդրումների համար, որոնք արվեստի գործերում ու ստեղծագործություններում առանձնակի դրսևորում կունենան և կնպաստեն ԱՊՀ տարածաշրջանում մշակույթի ու մշակութային ժառանգության ոլորտներում համագործակցության առաջընթացին: Մրցանակի չափն է 2 միլիոն ռուբլի:
Դափնեկիրների պարգևատրման արարողությունը կկայանա Մոսկվայում այս տարվա դեկտեմբերին:
