Րաֆֆի Հովհաննիսյանը հանդիպել է ԵԽ գլխավոր քարտուղարին

Այսօր Րաֆֆի Հովհաննիսյանը հանդիպել Եվրոպայի խորհրդի գլխավոր քարտուղար Թյորբորն Յագլանդի հետ: Այս մասին տեղեկանում ենք Րաֆֆի Հովհաննիսյանի շտաբի հայտարարությունից:

Հայտարարության մեջ ասվում է, որ քննարկվել են կողմերին հուզող ներքաղաքական և արտաքին քաղաքական հարցեր:

Հանդիպման ընթացքում անդրադարձ է եղել Հայաստանում ստեղծված հետընտրական ճգնաժամին և դրա հանգուցալուծման քաղաքական և ինստիտուցիոնալ ուղիներին: