«Խաղաթղթե տնակը» կշարունակեն նկարահանել առանց Սփեյսիի

Ամերիկյան Netflix կինոընկերությունը պատրաստվում է շարունակել «Խաղաթղթե տնակը» հեռուստասերիալի նկարահանումները՝ սցենարից հեռացնելով Ֆրենկ Անդերվուդին՝ դերասան Քևին Սփեյսիի մարմնավորած կերպարին, հայտնում է Life.ru-ն՝ հղում անելով CNN-ին։

Հեռուստաալիքի աղբյուրները հաստատում են, որ սերիալը «հազիվ թե փակեն»՝ առանց վերջին եթերաշրջանը նկարահանելու։

Հոկտեմբերի վերջին դերասան Էնթոնի Ռեփը հայտարարել էր, որ երբ ինքը 14 տարեկան էր, Սփեյսին սեռական ոտնձգություններ է կատարել իր դեմ։ Այնուհետև Սփեյսիի հասցեին սկսել են համանման մեղադրանքներ հնչեցնել «Խաղաթղթե տնակը» սերիալի նրա գործընկերները։ Այս մասին տեղեկացնում է Aysor.am-ը։