16-ամյա դարպասապահը մեկ խաղում 100 սեյվ է կատարել

16-ամյա դարպասապահը մեկ խաղում 100 սեյվ է կատարել

Ֆինլանդիայի հոկեյի պատանեկան լիգայում հանդես եկող «Կիսա Իգլզի» դարպասապահ Յուսո Կոպրան ապշեցուցիչ ցուցանիշ է գրանցել: 16-ամյա հոկեյիստը «Էսյատի» դեմ խաղում 100 սեյվ է կատարել: Չնայած ֆիննի այդ հերոսությանը` նրա թիմը պարտվել է 0:5 հաշվով:

Կոպրան առաջին խաղափուլում 30 սեյվ է կատարել, երկրորդում` 31, իսկ երրորդում` 39: Նրա թիմը հանդիպման ընթացքում ընդամենը 12 հարված է կատարել մրցակցի դարպասին:

«Վիճակագրությունը կարող է մի փոքր ճշգրիտ չլինել, սակայն 100 սեյվերն ամբողջովին արտացոլում են խաղի պատկերը: Թիմակիցները հանդերձարանում ծափահարում էին նրան»,- «Կիսա Իգլզի» գլխավոր մարզիչ Յոունի Ռոտալուի խոսքն է մեջբերում «Ilta Sanomat»-ը:

Հետևեք մեզ նաև Telegram-ում