Լոս Անջելեսի քաղաքապետարանում հարգել են Հայոց ցեղասպանության զոհերի հիշատակը

Ամերիկայի հայկական խորհուրդը (Armenian Council of America (ACA)) մասնակցել է Լոս Անջելեսում Հայոց ցեղասպանության 98-րդ տարելիցին նվիրված միջոցառմանը: Միջոցառումը տեղի է ունեցել Լոս Անջելեսի Քաղաքապետարանում՝ ապրիլի 19-ին: Այս մասին հայտնում է haynews.am-ը:

Հիշատակի միջոցառումը ղեկավարում էր Քաղաքային խորհրդի անդամ Փոլ Գրեգորյանը և Քաղաքային խորհրդի նախկին նախագահ Էրիկ Գարսետին:
Միջոցառմանը ներկա էին նաև Հայոց ցեղասպանության վերապրածները և հայ համայնքի ներկայացուցիչները:

Խոսելով Հայոց ցեղասպանության մասին՝ Փոլ Գրեգորյանը ներկաներին խնդրեց հիշել, թե ինչ էին նրանք զգում սեպտեմբերի 11-ի ահաբեկչությունից հետո, երբ հազարավոր մարդիկ զոհվեցին:

«Շատ կարևոր է բոլորիս համար ճանաչել և դատապարտել մարդկային դաժանությունը մարդու նկատմամբ»,- նշել է Գրեգորյանը: