Գերմանիան հրաժարվում է սարքավորել Ադրբեջանի համար նախատեսված հաուբիցները՝ պատճառաբանելով Ղարաբաղյան կոնֆլիկտը
Նմանատիպ
Թուրքիայի մեքենաշինության եւ քիմիական արդյունաբերության կազմակերպությունը 2012թ. 31 երկրների վաճառել է 55 մլն 367 հազար դոլարի ապրանքներ, ասվում է գերատեսչության հաշվետվության մեջ:
Ադրբեջանին վաճառվել են զենք եւ զինամթերք 1 մլն 89 հազար 789 լիրա արժեքով (605 հազար 539 ԱՄՆ դոլար): 2012թ. կազմակերպության երկու ներկայացուցիչներ մասնակցել են Ադրբեջանում մարդասիրական ականազերծման վարժանքներին եւ արտոնագիր ստացել, հայտնումէ APA-:
2011-ին նույն կազմակերպությունը Ադրբեջանին էր վաճառել 718 հազար 95 դոլարի զենք եւ զինամթերք: Սակայն կողմերի միջեւ ստորագրված պայմանագրի ոչ բոլոր կետերն էին իրկանացվել: Համաձայն այդ պայմանագրի Թուրքիան Ադրբեջանին պետք է վաճառեր 36 ինքնագնաց T-155 հաուբիցներ: Գերմանական MTU ընկերությունը, որ շարժիչներ է մատակարարում այդ հաուբիցների համար, հրաժարվել էր սարքավորել Ադրբեջանի համար նախատեսված հաուբիցները’ պատճառաբանելով Հայաստանի հետ նրա ունեցած հակամարտությամբ: Շարժիչների որոնման պատճառով հաուբիցների առաքումը հետաձգվում է:
