ԲՀԿ-ում խուճապ է. Ժամանակ
Նմանատիպ
ԲՀԿ-ն թեեւ հերքում է, որ ցանկանում է կոալիցիա վերադառնալ, բայց թերթի տեղեկություններով, այս օրերին էլ ՀՀԿ վերնախավի հետ բանակցությունների մեջ է նոր կառավարությունում պորտֆելներ ստանալու նպատակով: Հայտնի է, որ նոր կառավարությունը ձեւավորվելու է Երեւանի ավագանու ընտրություններից’ մայիսի 5-ից հետո:
Թերթի տեղեկություններով, ԲՀԿ-ն ցանկանում է ստանալ մշակույթի, սոցիալական ապահովության եւ սպորտի եւ երիտասարդության հարցերի նախարարությունները: ԲՀԿ ղեկավար Գագիկ Ծառուկյանը ցանկանում է մշակույթի նախարար նշանակել Թամար Պողոսյանին:
Այնպես որ չի բացառվում, որ ԲՀԿ-ն մաս կազմի մայիսի 5-ից հետո ձեւավորվող նոր կառավարությանը: Մյուս կողմից էլ ԲՀԿ-ի շարքերում’ հատկապես գործարար հատվածում խուճապ կա, թե եթե կուսակցությունը դառնա ընդդիմադիր, իրենք խնդիրներ են ունենալու:
Թերթի հետ զրույցում ԲՀԿ-ի որոշ գործարարներ դժգոհեցին, թե իրենց ղեկավարները վերեւներում հարաբերություններ են փչացնում, հետո պայմանավորվածությունների արդյունքում հաշտվում են, բայց արդյունքում նրանք են տուժում:
Նրանց խոսքով’ եթե հարաբերություններն ավելի սրվեն, ապա այս անգամ ԲՀԿ շատ անդամներ որոշել են մնալ չեզոք դիրքերում ու ՀՀԿ-ի հետ առճակատման չգնալ:
Հետևեք մեզ նաև Telegram-ում