Կանադահայերը կոչ են անում Թուրքիային հաշտվել անցյալի հետ և դադարեցնել ուրացման քաղաքականությունը
Նմանատիպ
Ապրիլի 24-ին Կանադայի հայ համայնքը կնշի Հայոց ցեղասպանության 98-րդ տարելիցը: Ըստ ավանդույթի, բոլորը կհավաքվեն Կանադայի խորհրդարանի մոտ, իսկ հետո կշարժվեն դեպի Թուրքիայի դեսպանատուն, իրենց բողոքը հայտնելու համար տասնամյակներ շարունակվող Ցեղասպանության ուրացման քաղաքականության դեմ:
«Հայերը պայքարելու են հանուն արդարության, իսկ պատմությունը վերանայելու Թուրքիայի փորձերը երբեք չեն պսակվի հաջողությամբ: Մեր բախտը բերեց, որ Կանադայի վարչապետը Սթիվեն Հարփերն է, որը պաշտոնապես ճանաչել է Հայոց ցեղասպանությունը: Մենք բարձր ենք գնահատում մեր կառավարության ու պատգամավորների ջանքերը, ուղղված նրան, որ արդարությունը հաղթանակի»,-հայտարարել է Կանադայի Հայ Դատի հանձնախմբի (ANCC) նախագահ Ժիրայր Բասմաջյանը:
«Կանադահայերը կոչ են անում Թուրքիայի կառավարությանը հաշտվել անցյալի հետ և դադարեցնել ուրացման քաղաքականությունը: Բոլոր կանադացիները պետք է հպարտանան իրենց խորհրդարանականներով, որոնք դիմակայում են թուրքական ճնշմանը և չեն փոխում դիրքորոշումը Հայոց ցեղասպանության հարցում»,-ասել է Բասմաջյանը:
Հետևեք մեզ նաև Telegram-ում