«Ոսկե Գլոբուս»-ի հաղթողները
Նմանատիպ
Լոս Անջելեսում տեղի է ունեցել «Ոսկե Գլոբուս» մրցանակի հանձնման 75-րդ արարողությունը: Այս մասին տեղեկացնում է Panorama.am-ը։
2017թ. լավագույն դրամատիկ ֆիլմ է ճանաչվել Մարտին ՄքԴոնախի «Երեք գովազդային վահանակ Էբինգի սահմանին, Միսուրի» ֆիլմը: «Լավագույն սցենար» անվանակարգում կրկին «Ոսկե գլոբուս»-ի է արժանացել «Երեք գովազդային վահանակ Էբինգի սահմանին, Միսուրի» կինոնկարը։
Լավագույն ռեժիսոր է ճանաչվել Գիլյերմո դել Տորոն՝ «Ջրի ձևը» ֆիլմի համար:
«Լավագույն դրամատիկ դերասան» անվանակարգում հաղթել է Գարի Օլդմանը «Ամենամութ ժամը» ֆիլմի համար, իսկ լավագույն դերասանուհի է ճանաչվել Ֆրենսիս ՄքԴորմանդը («Երեք գովազդային վահանակ Էբինգի սահմանին, Միսուրի»)։
«Լավագույն հեռուստատեսային դերասանուհի» անվանակարգում հաղթող է ճանաչվել Նիկոլ Քիդմանը, իսկ «Լավագույն հեռուստատեսային դերասան» անվանակարգում ՝ Էվան ՄքԳրեգորը («Ֆարգո»):
Հետևեք մեզ նաև Telegram-ում